唔该颁个“好桥”奖
近排（最近），网上流传一个帖子：如果唔好彩（不幸）被人劫持逼问银行卡密码，可将密码倒转讲出来，咁样劫匪可以攞到钱，但係柜员机会神不知鬼不觉咁报佐警。
发点都係好意，希望大家有一种方法可以减少损失。其实如果真係实现佐，我睇啲劫匪都几惊（害怕）。
咦，有咁神奇嘅事？好多网友拿拿林（赶紧）走去试下，点知就被提示“密码错误”，原来呢个帖子係整蛊（捉弄）人嘅。不过，慢慢谂落（想来），发帖者嘅出
中国银联有关人员话，呢个功能喺（在）技术上好难实施，计我话（我认为），佢哋係想偷懒，宜家（现在）科技咁发达，只要舍得投入人力物力时间，要实现话咁易（很容易）啦。再讲，呢条桥唔妥（不行），仲可以度过（重新想过）嘛。银联应该设个“好桥”奖，征求防劫桥段（办法），加以推广实施，咁先至（才）体现到银行嘅服务性。至于有人话，如果密码係12321就难搞啲。咁你话（那你说），安全紧要定係（还是）方便紧要啊？拿拿林改佐佢啦！ （兰叶）